7th Class Geography(ଭୂଗୋଳ) - Chapter 7 ପାରିବେଶିକ ପ୍ରଭାବ ଓ ଅଧିବାସୀଙ୍କ ଜୀବନ ଜୀବିକା All Question With Answer

(କ) ଭାରତର ଶ୍ରୀନଗର ଓ ଲଦାଖକୁ ସଂଯୁକ୍ତ କରୁଥିବା ଜାତୀୟ ରାଜପଥ ।
ଉ - ୧ ନମ୍ବର ଜାତୀୟ ରାଜପଥ
(ଖ) ପୃଥିବୀର ସର୍ବାପେକ୍ଷା ଓସାରିଆ ନଦୀ ।
ଉ - ଆମାଜନ
(ଗ) ଗଙ୍ଗାନଦୀ ମୁହାଣରେ ଥିବା ଅରଣ୍ୟ ।
ଉ - ସୁନ୍ଦରବନ
(ଘ) ଆଗ୍ରା ସହର ନିକଟରେ ପ୍ରବାହିତ ମୁଖ୍ୟ ନଦୀ ।
ଉ - ଯମୁନା
(ଙ) ମାନସ ଅଭୟାରଣ୍ୟ ଥିବା ରାଜ୍ୟ ।
ଉ - ଆସାମ

(କ) ଆନାକୋଣ୍ଡା ସାପ କେଉଁ ଦେଶର ଅରଣ୍ୟରେ ବେଶୀ ଦେଖାଯାଆନ୍ତି ?
ଉ - ଦକ୍ଷିଣ ଆମେରିକାର ଅରଣ୍ୟରେ ଆନାକୋଣ୍ଡା ସାପ ବେଶୀ ଦେଖାଯାଆନ୍ତି ।

(ଖ) ନଦୀର ଶଯ୍ୟାକୁ କେତେ ଭାଗରେ ଭାଗ କରାଯାଇଛି ? ସେଗୁଡ଼ିକୁ କ’ଣ କୁହାଯାଏ ?
ଉ - ନଦୀର ଶଯ୍ୟା ତିନିଭାଗରେ ବିଭକ୍ତ; ଯଥା-(କ) ପାର୍ବତ୍ୟ ଶଯ୍ୟା, (ଖ) ମଧ୍ୟ ଶଯ୍ୟା ଓ (ଗ) ନିମ୍ନ ଶଯ୍ୟା ।

(ଗ) ମରୂଦ୍ୟାନ କାହାକୁ କୁହାଯାଏ ?
ଉ - ମରୁଭୂମିର କେତେକ ସ୍ଥାନରେ ମରୁଝର ଦେଖାଯାଏ । ଏହି ମରୁଝର ଦେଖାଯାଉଥିବା ସ୍ଥାନରେ କଣ୍ଟାଗଛ, ଖଜୁରୀ ବୃକ୍ଷ ଦେଖାଯାଏ । ଏହାକୁ ମରୂଦ୍ୟାନ କୁହାଯାଏ ।

(ଘ) ଶୀତଳ ମରୁଭୂମି କାହାକୁ କହନ୍ତି ?
ଉ - ଯେଉଁ ଅଞ୍ଚଳର ଭୂମି ବର୍ଷସାରା ବରଫାଚ୍ଛନ୍ନ ରହେ ଓ ଚାରିଆଡ଼େ ପ୍ରବଳ ଥଣ୍ଡା, ସେଠାରେ ଗଛଲତା ବଢ଼ିପାରେ ନାହିଁ, ସେହି ଅଞ୍ଚଳକୁ ଶୀତଳ ମରୁଭୂମି କୁହାଯାଏ ।

(କ) ଆମାଜନ ଅବବାହିକାରେ ଘନ ଜନବସତି ଦେଖାଯାଏ ନାହିଁ ।
ଉ -

1. ଆମାଜନ ଅବବାହିକା ବିଷୁବ ମଣ୍ଡଳୀୟ ଅଞ୍ଚଳରେ ଅବସ୍ଥିତ ।
2. ବର୍ଷସାରା ପ୍ରବଳ ଖରା ଓ ବର୍ଷା ଯୋଗୁଁ ଏ ଅଞ୍ଚଳର ଜଳବାୟୁ ଅସହ୍ୟ ଓ ଅସ୍ଵାସ୍ଥ୍ୟକର । ଏଣୁ ଏହା ଘନ ଜନବସତି ପାଇଁ ଅନୁକୂଳ ନୁହେଁ ।

(ଖ) ନିରକ୍ଷୀୟ ଅଞ୍ଚଳର ଅରଣ୍ୟରେ ପରାଙ୍ଗପୁଷ୍ଟ ଲତା ଜାତୀୟ ଉଦ୍ଭିଦ ବେଶୀ ଦେଖାଯାଆନ୍ତି ।
ଉ -

1. ନିରକ୍ଷୀୟ ଅଞ୍ଚଳର ଅରଣ୍ୟ ଘଞ୍ଚ, ଭୂମି ସନ୍ତସନ୍ତିଆ ଏବଂ ଭୂମି ଉପରେ ପ୍ରାୟ ଖରା ପଡ଼ି ନଥାଏ ।
2. ତେଣୁ ଛାଇରେ ବଢ଼ିପାରୁଥିବା କେତେକ ଲତା ଜାତୀୟ ପରାଙ୍ଗ ପୁଷ୍ଟ ଉଦ୍ଭଦ ଅନ୍ୟ ଉଦ୍ଭଦକୁ ଆଶ୍ରା କରିା ବଢ଼ିଥାଆନ୍ତି ।

(ଗ) ନଦୀ ପାର୍ବତ୍ୟାଞ୍ଚଳରେ ପ୍ରବାହିତ ହେଉଥିବାବେଳେ ତା’ର ସ୍ରୋତ ପ୍ରଖର ଥାଏ ।
ଉ -

1. ପାର୍ବତ୍ୟାଞ୍ଚଳର ଭୂମି ପଥୁରିଆ ଓ ଗଡ଼ାଣିଆ ହୋଇଥାଏ ।
2. ନଦୀ ଗଡ଼ାଣିଆ ଭୂମିରେ ପ୍ରବାହିତ ହେବାବେଳେ ଏହା ସ୍ରୋତ ପ୍ରଖର ହୋଇଥାଏ ।

(ଘ) ଲାଦାଖ ଅଞ୍ଚଳରେ ପ୍ରାୟ ତୃଣଭୂମି ଦେଖାଯାଏ ନାହିଁ ।
ଉ -

1. ଆମ ଦେଶର ଉତ୍ତର ଭାଗରେ ଥିବା ଲାଦାଖ ସମୁଦ୍ର ପତ୍ତନଠାରୁ ସର୍ବନିମ୍ନ ୩ କି.ମି. ଓ ସର୍ବାଧ‌ିକ ୮ କି.ମି. ଉଚ୍ଚତା ମଧ୍ଯରେ ଅବସ୍ଥିତ । ତେଣୁ ଏତେ ଉଚ୍ଚରେ ଥିବାରୁ ଏହାର ଜଳବାୟୁ ଅତ୍ୟଧିକ ଥଣ୍ଡା ଓ ଶୁଷ୍କ ।
2. ବର୍ଷର ଅଧିକାଂଶ ସମୟ ବରଫ ଦ୍ଵାରା ଆଚ୍ଛାଦିତ ରହୁଥ‌ିବାରୁ ଏହି ଅଞ୍ଚଳ ବୃକ୍ଷଶୂନ୍ୟ । ତେଣୁ ଏଠାରେ ତୃଣଭୂମି ଦେଖାଯାଏ ନାହିଁ ।

(କ) କେଉଁଟିରେ ନିରକ୍ଷୀୟ ଜଳବାୟୁ ଅନୁଭୂତ ହୁଏ ନାହିଁ ?
(i) ଇଣ୍ଡୋନେସିଆ
(ii) ଗଙ୍ଗା ଅବବାହିକା
(iii) କଙ୍ଗୋ ଅବବାହିକା
(iv) ଆମାଜନ ଅବବାହିକା
ଉ -
(ii) ଗଙ୍ଗା ଅବବାହିକା

(ଖ) ପିଗ୍‌ମୀମାନେ କେଉଁ ଅଞ୍ଚଳର ଅଧିବାସୀ ?
(i) ବ୍ରହ୍ମପୁତ୍ର ଅବବାହିକା
(ii) ଗଙ୍ଗା ଅବବାହିକା
(iii) କଙ୍ଗୋ ଅବବାହିକା
(iv) ଆମାଜନ ଅବବାହିକା
ଉ -
(iii) କଙ୍ଗୋ ଅବବାହିକା

(ଗ) କେଉଁ ଅଞ୍ଚଳରେ ବେଦୁଇନ୍ ଜାତିର ଅଧ୍ଵବାସୀ ଦେଖାଯାଆନ୍ତି ?
(i) ଥର୍ ମରୁଭୂମି
(ii) ସାହାରା ମରୁଭୂମି
(iii) ପମ୍ପାସ
(iv) ଶୀତଳ ମରୁଭୂମି
ଉ -
(ii) ସାହାରା ମରୁଭୂମି

(ଘ) କେଉଁ ସହରଟି ଗଙ୍ଗା ଅବବାହିକାରେ ଅବସ୍ଥିତ ନୁହେଁ ?
(i) କୋଲକାତା
(ii) ଲକ୍ଷ୍ନୌ
(iii) ବାରଣାସୀ
(iv) ଗୁଆହାଟୀ
ଉ -
(iv) ଗୁଆହାଟୀ

(କ) କ୍ରାନ୍ତୀୟ ତୃଣଭୂମି ।
ଉ -

1. ଉଭୟ ଗୋଲାର୍ଦ୍ଧର ୧୦ ଡିଗ୍ରୀରୁ ୨୫ ଡିଗ୍ରୀ ସମାକ୍ଷରେଖା ମଧ୍ୟରେ କ୍ରାନ୍ତୀୟ ତୃଣଭୂମି ଦେଖାଯାଏ । ଏହି ତୃଣଭୂମିରେ ଘାସଗୁଡ଼ିକର ଉଚ୍ଚତା ୩ରୁ ୪ ମିଟର ହୋଇଥାଏ ।
2. ଆଫ୍ରିକାର ସୁଦାନ, ଜିମ୍ବାୱେ, ମଧ୍ୟ-ନାଇଜେରି ଆ, ଅଷ୍ଟ୍ରେଲିଆର କୁଇନ୍‌ସଲ୍ୟାଣ୍ଡର ପଶ୍ଚିମ ପାର୍ଶ୍ଵ, ଦକ୍ଷିଣ ଆମେରିକାର ଓରିନାକୋ ନଦୀ ଅବବାହିକାର ତୃଣଭୂମି ଏହାର ଅନ୍ତର୍ଭୁକ୍ତ ।
3. ସ୍ଥାନ ବି ଶେଷରେ ଏହାର ନାମକରଣ ଅଲ ଗା ହୋଇଥାଏ । ଯେପରି ଆଫ୍ରିକାରେ ସାଭାନ୍ନା, ବ୍ରାଜିଲରେ କ୍ୟାମ୍ପାସ, ଭେନେଜୁଏଲାରେ ଲିଆନୋସ ନାମରେ ପରିଚିତ ।

(ଖ) ମାସାଇ ।
ଉ -

1. ମାସାଇ ଆଫ୍ରିକାର ସାଭାନ୍ନା ତୃଣଭୂମି ଅଞ୍ଚଳରେ ରହୁଥ‌ିବା ଯାଯାବର ଶ୍ରେଣୀୟ ଜନଜାତି ।
2. ଏମାନେ ତାଞ୍ଜାନିଆ, କେନିଆ ଆଦି ଦେଶରେ କିଛି ସଂଖ୍ୟାରେ ଦେଖାଯାନ୍ତି ।
3. ପଶୁପାଳନ କରି ଏମାନେ ଜୀବିକା ନିର୍ବାହ କରନ୍ତି ।

(ଗ) ସେମାଙ୍ଗ ।
ଉ -

1. ମାଲୟେସିଆର ବିଷୁବ ମଣ୍ଡଳୀୟ ଅରଣ୍ୟରେ ସେମାଙ୍ଗ ଗୋଷ୍ଠୀର ଜନଜାତି ବାସ କରନ୍ତି ।
2. ପଶୁଶିକାର, ଅରଣ୍ୟଜାତ ଦ୍ରବ୍ୟ ସଂଗ୍ରହ କରି ସେମାନେ ଜୀବିକା ନିର୍ବାହ କରନ୍ତି ।

(ଘ) ସାଭାନ୍ନା ।
ଉ -

1. ଆଫ୍ରିକା ମହାଦେଶରେ ଥିବା ଗ୍ରୀଷ୍ମମଣ୍ଡଳୀୟ ତୃଣଭୂମିକୁ ସାରାତ୍ମା କୁହାଯାଏ ।
2. ଏହି ତୃଣଭୂମି ଅଞ୍ଚଳରେ ଘାସଗୁଡ଼ିକ ପ୍ରାୟ ୩ରୁ ୪ ମିଟର ଉଚ୍ଚତା ବିଶିଷ୍ଟ ହୋଇଥାନ୍ତି ।
3. ଏହି ଅଞ୍ଚଳରେ ହାତୀ, ଜେବ୍ରା, ହରିଣ, ଜିରାଫ୍, ବଣ୍ୟମହିଷ ପ୍ରଭୃତି ତୃଣଭୋଜୀ ପ୍ରାଣୀ ଏବଂ ସିଂହ, ବାଘ ଆଦି ମାଂସାଶୀ ପ୍ରାଣୀ ଦେଖାଯାନ୍ତି । ତେଣୁ ଏହା ପୃଥ‌ିବୀର ପ୍ରାକୃତିକ ପଶୁଶାଳା ନାମରେ ପରିଚିତ । ଏହା ଶିକାରୀମାନଙ୍କ ସ୍ଵର୍ଗ ଭାବେ ବିଖ୍ୟାତ ।

(ଙ) ପୃଥିବୀର ପ୍ରାକୃତିକ ପଶୁଶାଳା ।
ଉ -

1. ଆଫ୍ରିକା ମହାଦେଶରେ ଗ୍ରୀଷ୍ମମଣ୍ଡଳୀୟ ବା କ୍ରାନ୍ତୀୟ ତୃଣଭୂମି ସାଭାନ୍ନା ଅବସ୍ଥିତ ।
2. ସ୍ଵଳ୍ପ ବୃଷ୍ଟିପାତ କାରଣରୁ ଏହି ଅଞ୍ଚଳରେ ୩ରୁ ୪ ମିଟର ଉଚ୍ଚତା ବିଶିଷ୍ଟ ତୃଣ ଜନ୍ମିଥାଏ ।
3. ଏହି ତୃଣଭୂମି ଅଞ୍ଚଳରେ ହାତୀ, ଜେବ୍ରା, ହରିଣ, ଜିରାଫ୍, ବନ୍ୟମହିଷ ଆଦି ତୃଣଭୋଜୀ ପ୍ରାଣୀ ବହୁଳ ସଂଖ୍ୟାରେ ଦେଖାଯାନ୍ତି ।
4. ତୃଣଭୋଜୀ ପ୍ରାଣୀଙ୍କୁ ଖାଇ ବଞ୍ଚୁଥିବା ଅନେକ ମାଂସାଶୀ ପ୍ରାଣୀ, ଯଥା- ସିଂହ, ବାଘ, ଚିତାବାଘ ଆଦି ଏଠାରେ ବାସ କରନ୍ତି । ବିବିଧ ପ୍ରକାର ପ୍ରାଣୀରେ ଏହି ଅଞ୍ଚଳ ପରିପୂର୍ଣ୍ଣ ଥିବାରୁ ଏହାକୁ ପୃଥିବୀର ପ୍ରାକୃତିକ ପଶୁଶାଳା କୁହାଯାଏ ।

1. ଷ୍ଟେପି ଅଞ୍ଚଳର କିରଗୀଜ୍ ନାମକ ଆଦିମ ଅଧିବାସୀମାନେ ବାସ କରନ୍ତି ।
2. ସେମାନେ ଗୋରୁ, ଛେଳି, ମେଣ୍ଢା ଆଦି ପଶୁପାଳନ କରିଥା’ନ୍ତି ।
3. ଦୁଗ୍ଧ ଓ ମାଂସ ପାଇଁ ପଶୁପାଳନ କରି ଏମାନେ ଜୀବିକା ନିର୍ବାହ କରନ୍ତି ।
4. ଏହି ତୃଣଭୂମି ଅଞ୍ଚଳରେ ଖଣିଜ ସମ୍ପଦର ସନ୍ଧାନ ମିଳିବା ପରେ ଅଧିକାଂଶ ଅଧିବାସୀ ଏବେ ଖଣି ଅଞ୍ଚଳରେ ସ୍ଥାୟୀ ଭାବରେ ବସବାସ କରୁଛନ୍ତି ।
5. କେତେକ ଅଞ୍ଚଳରେ କଳକାରଖାନାମାନ ଗଢ଼ି ଉଠିଲାଣି । ୟୁରୋପୀୟମାନଙ୍କ ସଂସ୍ପର୍ଶରେ ଆସି ଏମାନଙ୍କର ଅର୍ଥନୈତିକ ଅବସ୍ଥା ଉନ୍ନତି ହେଲାଣି ।

1. ଶୀତଳ ମରୁ ଅଞ୍ଚଳର ଜଳବାୟୁ ଜନବସତି ପାଇଁ ପ୍ରତିକୂଳ । ତଥାପି ଏଠାରେ କେତେକ ଲୋକ ବାସ କରନ୍ତି ।
2. ଏଠାରେ ଗ୍ରୀଷ୍ମକାଳ ସ୍ବଳ୍ପକାଳ ସ୍ଥାୟୀ ଏବଂ ଶୀତଋତୁ ଦୀର୍ଘ ଓ ଅତ୍ୟନ୍ତ କଷ୍ଟଦାୟକ ।
3. ଏଠାରେ ଗ୍ରୀଷ୍ମଋତୁରେ କେତେକ ଲୋକେ ବାର୍ଲି, ଆଳୁ, ମଟର, ବିନ୍ ଆଦି ଚାଷ କରିଥାନ୍ତି । ସ୍ତ୍ରୀଲୋକମାନେ ମଧ୍ୟ ଘରକାମ ସହ ଚାଷକାମ କରନ୍ତି ।
4. ଶୀତଋତୁରେ ବ୍ୟବସାୟ ବାଣିଜ୍ୟ ପାଇଁ ଏଠାକାର ଅବାସୀମାନେ ବାହାରକୁ ଯାଆନ୍ତି ।
5. ଦୁଗ୍ଧ, ମାଂସ ଓ ଚମଡ଼ା ପାଇଁ ଆଦିବାସୀମାନେ ବଣ୍ୟ ଛେଳି ଓ ମେଣ୍ଢା ପାଳନ୍ତି । ଚମଡ଼ାରୁ ଗାଈ ଓ ବଣ୍ୟ ଛେଳିରୁ ଲହୁଣି ପ୍ରସ୍ତୁତ କରନ୍ତି । ଏହାର ଲୋମରୁ ଚାମର ପ୍ରସ୍ତୁତ କରନ୍ତି ।

1. ମୌସୁମୀ ବାୟୁ ପ୍ରବାହରୁ ଗଙ୍ଗା-ବ୍ରହ୍ମପୁତ୍ର ଅବବାହିକାରେ ବୃଷ୍ଟିପାତ ହୁଏ । ସମୁଦ୍ରଠାରୁ ଦୂରରେ ଥିବାରୁ ଏହାର ପଶ୍ଚିମାଂଶ ମହାଦେଶୀୟ ଜଳବାୟୁ ଅନୁଭୂତ ହୁଏ ।
2. ଏଠାରେ ପର୍ଣ୍ଣମୋଚୀ ଅରଣ୍ୟ ଦେଖାଯାଏ । ଶାଳ, ପିଆଶାଳ, ଅଶ୍ୱତ୍‌ଥ ଆଦି ଏହାର ମୁଖ୍ୟ ବୃକ୍ଷ । ସମତଳ ଅଞ୍ଚଳରେ ବାଉଁଶ ଓ ଆମ୍ବତୋଟାମାନ ଦେଖାଯାଏ ।
3. ଆମ ଦେଶର ଉତ୍ତରାଞ୍ଚଳ, ସିକିମ୍ ଆଦି ରାଜ୍ୟର ଶୀତଳ ପାର୍ବତ୍ୟାଞ୍ଚଳର ସରଳବର୍ଗୀୟ ଅରଣ୍ୟରେ ପାଇନ୍, ଫିର୍, ଦେବଦାରୁ ବୃକ୍ଷ ଦେଖାଯାଏ ।
4. ଏ ଅଞ୍ଚଳରେ ବାଘ, ହରିଣ, ମାଙ୍କଡ଼, ହାତୀ, ଏକଶିଙ୍ଗିଆ ଗଣ୍ଡା, ସୁନ୍ଦରବନରେ ମହାବଳ ବାଘ ଏବଂ ନଦୀ ମୁହାଣରେ କୁମ୍ଭୀର ପ୍ରଭୃତି ପ୍ରାଣୀ ଦେଖାଯାଆନ୍ତି ।
5. ନ‌ଦୀମାନଙ୍କରେ ରୋହି, ଭାକୁର, ଶେଉଳ ଆଦି ମଧୁର ମାଛ ପ୍ରଚୁର ମିଳିଥାଏ । ତେଣୁ ଏ ଅଞ୍ଚଳର ଲୋକମାନଙ୍କର ପ୍ରଧାନ ଖାଦ୍ୟ ଭାତ ଓ ମାଛ ।